सभापति पदमा विनोद चापागाईको उम्मेद्धारी ।

नेपाली कांग्रेसको भातृ संगठन नेपाल विदयार्थी संघ आसन्न स्ववियूका लागि झापाको दमक बहुमुखी क्याम्पस सभापति पदमा विनोद चापागाईको उम्मेद्धारी घोषणा गरेको छ ।

नेपाल विदयार्थी संघले आज क्याम्पसमा एक कार्यक्रमको आयोजना गरि आसन्न स्ववियू निर्वाचनकालागि सभापति पदमा क्याम्पसका पूर्व इकाई सभापति समेत रहेका चापागाईको उम्मेद्धारी घोषणा गरेको हो । सांसद महेन्द्र कुमारी सुब्बाको प्रमुख उपस्थित नेविसंघले एक पदकालागि आज उम्मेद्धारी घोषणा गरेको छ ।

नेविसंघको तर्फबाट उम्मेद्धार बनेका चापागाईले विदयार्थीहरुको हकहित र क्याम्पको उचित ब्यबस्थापन तथा युग सुहाउदो गुणस्तरिय शिक्षाकालागि आफनो जित आवश्यक रहेको बताउनुभयो । यस्तै क्याम्पसका पूर्व स्वूवियू सभापति आइन्द्र केरुङले शिक्षा क्षेत्रको संस्थागत विकाश साथै नयाँ नेतृत्व विकाशकालागि पनि स्ववियू निर्वाचन अनिवार्य भएको बताउनु भयो ।

करिब एक दशकपछि हुन लागेको स्ववियू निर्वाचनलाई विदयार्थीहरुले यति बेला निकै महत्वकासाथ एउटा अवसरका रुपमा लिइरहेका छन ।